|
Kaya biasane, saben malem jum'at si Dasmad karo Jabrik (kaya laka nama liyane) lagi cipok (moci karo ndopok) neng lesehan jalan A. Yani Tegal.
Memang enak temen yen bengi bengi ndopok dikancani karo teh poci anget plusss mendoan.
Critane Jabrik sing notabene pelajar tingkat tinggi lagi crita masalah korupsi ning tubuh DPR, masalae sing diajak crita si Dasmad sing notabene IQne cuman ndodok dok.
"Mad, ente wingi ndeleng brita ora !", Jarbik nyoba mbuka suasana ngobrol.
"Lha, kpriwe Brik. Ente ngerti kan ? Wingi daerahe nyong kena pmadaman listrik bergilir. Kepriben bisa nonton tipi? Mang ana apa Mad ", Jawabe Jabrik.
"Kuwe lho, wingi neng berita ana maning kecekel tikus sing nggrogoti duit rakyat neng gedung DPR".
"Ealah, tak kira mung neng umae nyong tok sing ana tikuse, jebule neng DPR ana juga ya ?, ajib maning kyeh tikus bisa ngrogoti duit. Yen nang umah kah mung ngrogoti sendal jepite nyong sing mambu trasi oh.."
"Ya Mad, bener bener keterlaluan, masa wis dipercaya rakyat malah berhianat, untunge KPKne tanggap, dadine bisa kecekel."
"Weh.. neng ndi ndi tikus kue ora bisa dipercaya, masa ana tikus bisa dipercaya, piben sih brik ente" jawab Dasmad karo nyruput teh pocine,
" Wah ajib kweh KPK, bisa nyekel tikuse, dibayar pira ya brik ben bisa nyekel tikus neng umae nyong, soale sendale nyong sering ilang." Lanjut Dasmad.
"??? Maksude kowen priben Mad ?", Tanya Jabrik heran.
"Lha ente kepriben sih, ente kan mau crita tikus neng gedung DPR kan ? sing kupinge jeber trus cangkeme manyun ?" , Jawab Dasmad nyante..
"Dasar gebleg kowen Mad, sing mau tak kira mudeng nyong crita apa, jebule ra mudeng...!!! Wis lah tak bali disit, pan turu." Bentak Jabrik sewot.
"??? enyong salah apa Brik... Lha kepriwe, daning lunga. Trus sing bayar sapa ????????"......
Kie mau mung dagelan tok, yen ana sing tersinggung nyuwun ngapurane sing akeh ya ?
|
